Tuna rrëmbehet nga Baba Stars (FOTO)
Post on: 19 August, 2012 Comments Off
Rap ‘labeli’ kosovar, BabaStars, është duke menduar seriozisht që të kthehet në piedestalin e skenës muzikore, duke kërkuar kështu inkuadrimin edhe të këngëtares seksi Tuna.
Menaxheri i BabaStars, Drin Zatriqi, së bashku me Tunën, kanë mbajtur një takim sekret në lokalin e quajtur “Konak”, ku kanë biseduar rreth detajeve të përfshirjes në ‘label’.
Kujtojmë se BabaStars ka mbetur pa dy prej ikonave, Dafina Zeqirin dhe Ledrin, pas incidenteve dhe telasheve të fundit në jetën private të të dy artistëve, me këtë të fundit që u largua tërësisht nga muzika.
Sikurse raporton albnews në Kosovë, është çështje kohe kur Tuna do të konfirmohet si anëtare e BabaStars, pasi edhe lidhja me Dj Dirty (deejay personal i Tunës) ka ndikim të mjaftueshëm në këtë çështje edhe pse negociatat janë vetëm në fazat fillestare.
Tuna është shndërruar në sensacion pas hitit të fundit të lançuar “I asaj”, videoklip që ka tashmë rreth 2 milionë klikime në YouTube pa bërë dy muaj prej lançimit.
