Shijak, i ndahet djali nga nusja, 50-vjeçari kërcënon me vetëvrasje
Post on: 7 September, 2012 Comments Off
DURRES - Një 50-vjeçar nga Shijaku tentoi sot vetëvrasjen, për shkak të gjendjes së rënduar psikologjike, të shkaktuar nga divorci i të birit.
E lajmëruar nga familjarët, policia rrethoi rreth mesditës banesën e 50-vjeçarit në Shijak, i cili qëndronte me një armë në dorë në oborrin e shtëpisë.
Burime nga vendi i ngjarjes bënë të ditur se Flamur Smoqi kishte marrë një armë tip automatik dhe kërcënonte se do të vetëvritej, pasi nuk ishte dakord me vendimin e të birit që të ndahej nga nusja e tij.
Pas negociatave me policinë, ankthi i familjarëve mbaroi, pasi 50-vjeçari dorëzoi armën.
