Automjetet që frenojnë vetë

SHBA - Për modelet e automjeteve të vitit 2014, “Euro NCAP” kërkon vendosjen e sistemit për frenimin autonom të veturës në rast të rrezikut, njoftoi agjencioni i pavarur evropian për siguri në trafik. Sistemet “AEB” veprojnë në lidhje me sistemin e radarëve me të cilët detektojnë pjesëmarrësit tjerë në trafik dhe largësinë nga ta.

Kur sistemi vëren ndonjë rrezik në rrugë, do ta paralajmërojë ngasësin me anë të sinjaleve audio-vizuale, dhe nëse ky nuk reagon, do të fillojë frenimin e pavarur me qëllim të minimalizimit të dëmit. Unioni evropian e ka për qëllim që deri në vitin 2020, ta përgjysmojë numrin e viktimave në rrugët evropiane.

Studimin të cilin “Euro NCAP” e zhvilloi tregoi se sistemet e ndaljes autonome të veturës zvogëlojnë numrin e aksidenteve për 27 për qind, por ata në të njëjtën kohë janë në dispozicon në gjithsejtë 21 për qind e makinave që momentalisht gjenden në shitje në kontinentin e vjetër.

“Euro NCAP” për këtë do të kërkojë që sistemin e lartpërmendur të vendoset në vetura që nga viti i ardhëm si kusht për fitimin e pesë yjeve në testet e tyre. Politika e njëjtë solli deri te ajo që “ABS”, “ESP” dhe shumë zgjidhje të tjera teknike të bëhen pajisje standarde në të gjitha automjetet.