Aksioni i RENEA, 3 kosovarë në pranga për drogë
Post on: 6 September, 2012 Comments Off
FUSHË KRUJË- Forcat RENEA kanë zhvilluar mbrëmjen e së enjtes disa operacione antidrogë , për armë mbajtje pa leje, si dhe për kapjen e personave të shpallur në kërkim në disa qytete të vendit.
Operacionet janë përqendruar në qytetin e Fushë Krujës, ku mësohet se janë arrestuar 3 shtetas kosovarë , të cilët janë kapur me 150 gr drogë të llojit Kanabis. Policia ende nuk bën të ditur identitetin e të arrestuarve, ndërkohë që operacioni nga forcat RENEA po zhvillohet edhe në këto momente.
Gjithashtu në sajë të operacionit të Forcave RENEA janë arrestuar edhe tre persona të tjerë për armëmbajtje pa leje, si dhe janë sekuestruar tre armë zjarri të tipit pistoletë në qytetin e Durrësit. Operacioni i forcave RENEA po zhvillohet gjithashtu edhe në Peqin.
