10 mënyra për ta kthyer gruan në anën tuaj të shtratit

Post on: 9 April, 2013 Comments Off

Të dyja palët shpesh keqkuptohen. Pasi t’i keni lexuar vetë do të bënit mirë t’ia tregonit edhe partnerit tuaj, pasi këto këshilla janë për të.
1. Ndërtoni vetë-vlerësimin e saj. Ajo ka nevojë të dijë se ju ende ju duket tërheqëse. Tregojini se si duket para se të pyesë: “Si dukem?” Tregojini për pjesët që juve ju pëlqejnë. Për shembull, ndoshta janë sytë. Shprehjani se si ju duken.
2. Mos prisni që t’ju kënaqë çdo natë. Jini të arsyeshëm, patjetër që meshkujt duan të kenë marrëdhënie seksuale çdo natë, por më mirë gjeni një kompromis. Dy herë apo tri herë në javë mund të jetë më realiste. Nëse pritjet tuaja janë shumë të larta, atëherë mund të zhgënjeheni në shumë raste.
3. Prekeni, por jo atje, të paktën jo në fillim. Pjesa më e madhe e femrave duan të preken me dashuri. Gratë janë qenie relative, ato duan që partneri t’i prekë duart, t’i vendosë dorën në shpatulla, ta prekë çdo ditë, disa herë në ditë. Kjo ndërton atë ndjenjën e intimitetit.
4. Bëjini një masazh. Do të bëni mirë sikur t’i fërkoni dorën për disa sekonda, ose mund t’i bëni masazh në shpatulla apo në këmbë. Nuk është kaq e vështirë. Grave u pëlqen shumë masazhi, në fillim ushtroni pak presion, pastaj lëvizini duart në formë rrethore. Ajo do t’ju tregojë se si bëhet. Pyeteni se çfarë i pëlqen. Gruaja do të ndihet e çlodhur dhe e veçantë.
5. Mendoni diçka romantike herë pas here. Bëni diçka krejt të papritur. Dërgojini fëmijët tek gjyshërit, ndizni ndonjë qiri, vini muzikë romantike në sfond dhe blini luleshtrydhe. Femrave u pëlqen romanca. Ndonjë ide? Pyesni atë.
6. Mos harroni ditën e veçantë. Mund të jetë ditëlindja, dita e Valentinit apo ndonjë përvjetor. Nuk keni pse shpenzoni tufa me para për lule që ta bëni të lumtur. Palosni ndonjë letër me ngjyrë në dy pjesë, shkruani një poemë të shkurtë, një shprehje dashurie, madje dhe poezinë e preferuar të dashurisë (gjëra që gjenden shpejt në internet), dhe vendoseni aty ku do ta gjejë me lehtësi në mëngjes.
7. Bëni ndonjë punë shtëpie. Lajm i freskët: gruaja juaj është e lodhur. Fëmijët, puna, rrobat e palara, gatimi, enët dhe përkujdesja ndaj të gjithë familjes bëjnë punën e vet. Ndihmojeni me punët e shtëpisë dhe do të korrni shpërblimet. “Zemra, do t’i laj unë enët sot kështu që t’i vëri fëmijët pak më herët në shtrat sot”, do të ishte fraza e përkryer.
8. Jini të duruar. Nëse kohët e fundit gjërat nuk kanë qenë kaq të gjalla, mos prisni një ndryshim në sjellje brenda natës. Ndoshta duhet pak kohë për të ndërtuar marrëdhënien fantastike të dikurshme. Ndoshta ajo nuk ka mjaft besim tek ju, prandaj bëjini një premtim dhe mbajeni.
9. Komunikoni, komunikoni, komunikoni. Grave u pëlqen të flasin dhe të bashkëveprojnë me të rritur inteligjentë. Sa më shumë kohë të kaloni duke folur (dhe duke dëgjuar), aq më pranë jush do të ndihet ajo.
10. Qëndroni në formë, bëhuni një shembull i mirë për gruan tuaj. Mos ndoshta ajo ka shtuar në peshë? Mos ndoshta ju keni kaluar kufirin që nga dita kur jeni lidhur? Atëherë kujdes me ushqimin dhe bëni ndonjë ushtrim. Bëni një shëtitje së bashku. Kujdesuni për paraqitjen tuaj. Nëse mashkulli kujdeset për paraqitjen e tij të jashtme, atëherë ajo do të frymëzohet të bëjë të njëjtën gjë.
Tregojini vazhdimisht gruas se ajo është e vetmja për ju, se është e veçantë, e dashur dhe e dëshirueshme. Kur një grua ndjen këtë nga mashkulli, do të habiteni nga ajo që do të bëjë kur të kthehet në anën tuaj të shtratit.

Studimi australian: Seks çdo ditë për pjellori më të lartë

Rregulli i artë që thotë se meshkujt duhet të mos kryejnë marrëdhënie seksuale për dy ose tre ditë në mënyrë që të jenë më pjellorë nuk vlen për të gjithë. Për disa të tjerë do të isthe më mirë të kryenin marrëdhënie të përditshme për të përmirësuar cilësinë e spermës dhe për të patur kështu më shumë mundësi për të lënë shtatzënë partneren. Këto janë rezultatet e fundit të kërkimit të Universitetit të Sidneit. Shkencëtarët kanë zbuluar kryerja e marrëdhënieve seksuale të përditshme rinovon kushtet e pjellorisë tek meshkujt. E vërteta është se mungesa e marrëdhënies seksuale bën që spermatozoidet të rriten në numër, por zvogëlon cilësinë e tyre.

Si të parandaloni infeksionet seksualisht të transmetueshme

Vitin e kaluar, 621 mijë persona u diagnostikuan me një infeksion seksualisht të transmetueshëm vetëm në Mbretërinë e Bashkuar, nga 960 mijë personat që iu nënshtruan testeve mjekësore. Lajmi i mirë është që gjithnjë e më shumë persona po iu nënshtrohen testeve, por çështja e pazgjidhur është çfarë duhet të bëhet për të zvogëluar numrin e personave të infektuar. Të rinjtë nga mosa 16-24 vjeç ishin më të prekurit nga infeksionet. Disa prej infeksioneve më të transmetura janë gonorrea, klamidia dhe lythat gjenitalë. Nivelet më të larta mendohen se vinë për shkak se të rinjtë kanë më shumë se një partner seksual dhe nuk përdorin masa mbrojtëse. Viti 2006 ka prekur 4,457 persona më shumë se një vit më parë, një rritje prej 3.3 për qindësh se viti 2005.

Çfarë duhet të dini që të jeni në rregull me ligjin

Cila është mosha e lejuar nga ligji për të kryer marrëdhënie seksuale? Sa vjeç duhet të jeni ju për t’u përfshirë në aktivitete seksuale? Kur bëhet fjalë për seksin dhe ligjin, njohuria e asaj që mund dhe nuk mund të bëni është thelbësore. Do të ishte për të mirën tuaj të pyesni për moshën e partnerit para përfshirjes në akte seksuale. Ligjet e Akteve Seksuale në botë janë rishqyrtuar për të dhënë një përkufizim edhe më të detajuar të aspekteve të ndryshme të seksit dhe janë bërë ndryshimet e nevojshme për të mbrojtur më të cënuarit. Duhet të dini se mosha e lejuar nga ligji për të kryer marrëdhënie seksuale është 16 vjeç.

Categories
Argetim  
Tags

Comments are closed.